Presidenti Begaj dekreton emërimin e gjyqtarit të Gjykatës së Lartë
REPUBLIKA E SHQIPËRISË
INSTITUCIONI I PRESIDENTIT TË REPUBLIKËS
PRESIDENTI
D E K R E T
PËR
EMËRIMIN E GJYQTARIT TË GJYKATËS SË LARTË
Në mbështetje të nenit 93 dhe nenit 136, pika 2 të Kushtetutës së Republikës së Shqipërisë, si dhe nenit 48, pika 13 të ligjit nr. 96/2016, “Për statusin e gjyqtarëve dhe prokurorëve në Republikën e Shqipërisë” i ndryshuar, pas administrimit pranë Institucionit të Presidentit të Republikës më datë 29.5.2023 dhe pas propozimit të arsyetuar të Këshillit të Lartë Gjyqësor, përcjellë me shkresën nr. 3028/2 prot., datë 29.5.2023 dhe me vendimin nr. 270, datë 25.5.2023 të Këshillit të Lartë Gjyqësor, “Për propozim për emërim në Gjykatën e Lartë të kandidates znj. Enkelejda Metaliaj” për pozicionin e lirë në fushën e të drejtës administrative, të shpallur me vendimin nr. 535, datë 17.11.2021 të Këshillit të Lartë Gjyqësor.
D E K R E T O J:
Neni 1
Zonja Enkelejda Metaliaj emërohet gjyqtar i Gjykatës së Lartë nga radhët e gjyqtarëve.
Neni 2
Ky dekret hyn në fuqi menjëherë.
Dekret nr. 78
Tiranë, më 6.6.2023
BAJRAM BEGAJ