Presidenti Begaj takohet me Presidentin Milanoviç
Presidenti i Republikës së Shqipërisë, Sh.T.Z. Bajram Begaj dhe Zonja e Parë Armanda Begaj, ishin sot në një vizitë shtetërore në Kroaci, ku u pritën nga Presidenti i Republikës së Kroacisë, Sh.T.Z. Zoran Milanoviç dhe Zonja e Parë Sanja Musiç Milanoviç.
Vizita shtetërore e Presidentit zhvillohet në një moment shumë të rëndësishëm, si në kuadër të marrëdhënieve midis dy vendeve, ashtu edhe në kuadër të zhvillimeve rajonale, evropiane e më gjerë.
Pas ceremonisë zyrtare të mirëseardhjes të zhvilluar në zyrën e Presidentit të Republikës së Kroacisë, Presidenti Begaj dhe Presidenti Milanoviç zhvilluan një takim kokë më kokë, që u pasua nga një takim i zgjeruar midis dy delegacioneve zyrtare.
Në fund të takimeve, të dy presidentët zhvilluan një deklaratë për mediat.
Gjatë deklaratës së përbashkët për shtyp, Presidenti Begaj foli për rëndësinë e forcimit të mëtejshëm të partneritet strategjik midis dy vendeve, agjendën e integrimit evropian të Shqipërisë, si dhe për zhvillimet rajonale.
Në vijim deklarata e plotë për shtyp e Presidentit Begaj:
https://president.al/deklarate-e-presidentit-te-republikes-se-shqiperise-sh-t-z-bajram-begaj/