Presidenti i Republikës, Sh. T. Z. Bajram Begaj pret në një takim kortezie Ambasadorin e Shtetit të Kuvajtit në Shqipëri, Sh. T. Z. Faisal Sulaiman Ali Al – Musaileem
Presidenti i Republikës, Sh. T. Z. Bajram Begaj priti sot në një takim kortezie Ambasadorin e Shtetit të Kuvajtit në Shqipëri, Sh. T. Z. Faisal Sulaiman Ali Al – Musaileem. Kreu i Shtetit përgëzoi Ambasadorin e Shtetit te Kuvajtit për punën e bërë në shërbim të marrëdhënieve mes dy vendeve.
Presidenti Begaj u ndal në nivelin e shkëlqyer që tashmë ekziston në marrëdhënien mes dy vendeve dhe perspektivën e tyre me fokus marrëdheniet në fushën ekonomike. Presidenti i Republikës uroi nëpërmjet Ambasadorit Musaileem Shtetin e Kuvajtit me rastin e Festës Kombëtare të Kuvajtit.