Presidenti i Republikës, Sh. T. Z. Bajram Begaj, pret fëmijet e shkollës “Ali Demi” në Tiranë
Presidenti i Republikës, Sh. T. Z. Bajram Begaj dhe Zonja e Parë Armanda Begaj pritën sot në Institucionin e Presidentit fëmijët e klasës së gjashtë të shkollës “Ali Demi” në Tiranë, të cilët kishin shprehur dëshirën për t’u takuar me Kreun e Shtetit.
Presidenti dhe Zonja e Parë bënë një bashkëbisedim me fëmijët, ku ju përgjigjën dhe pyetjeve të shumta që ata kishin.
“Nuk duhet në asnjë moment të hiqni dorë nga ëndrrat tuaja. Sa më shumë të mbani pranë librin, aq më të thjeshtë do e keni për të realizuar të gjitha ëndrrat tuaja,” i tha ndër të tjera Presidenti fëmijëve. “Na takon të gjithëve ne të bëjmë rolin tonë që fëmijët e Shqipërisë, të edukohen, zhvillohen e të rriten në një shoqëri që i mbështet në çdo hap,” shtoi më tej Presidenti.
Fëmijët patën mundësi të bënin dhe një tur për t’u njohur më nga afër me Institucionin e Presidentit.