29 Janar 2020 Presidenti Meta në seancën e dhurimit të gjakut në Universitetin e Sporteve të Tiranës: Shoqëria jonë ka nevojë të nxisë vullnetarizmin në kauzën e dhurimit të gjakut dhe për kauza të tjera sociale
Presidenti i Republikës, Sh.T.Z. Ilir Meta vizitoi sot Universitetin e Sporteve të Tiranës, ku së bashku me një grup të madh studentësh, si dhe pedagogë të tyre, mori pjesë në seancën e dhurimit të gjakut, në kuadër të nismës së ndërmarrë prej Tij, në bashkëpunim me “Aleancën për Dhurimin e Gjakut”.
Njëkohësisht Kreu i Shtetit falënderoi futbollistin e shquar, Andi Lila dhe Sindikatën e Futbollistëve të Shqipërisë, që u bënë promotorët e kësaj seance dhurimi gjaku.
Me këtë akt fisnik ju i jepni nder, jo vetëm sportit, por edhe Universitetit Tuaj, nga i cili kanë dalë shumë figura të shquara të sportit shqiptar, që e kanë lartësuar emrin e Shqipërisë në arenat ndërkombëtare.
Dhurimi i gjakut është një proces 100% i sigurtë dhe tepër i shëndetshëm, sidomos për të rinjtë dhe për të rejat, të cilët unë besoj do vijojnë me vullnetarizëm të bëhen edhe promovuesit kryesorë të kësaj Aleance dhe të këtij solidariteti njerëzor.
Të forcojmë solidaritetin shoqëror dhe vullnetarizmin, për të mbështetur këdo që ka nevojë për ndihmë!
Një falenderim të veçantë kam për futbollistin e shquar, Andi Lila dhe Sindikatën e Futbollistëve të Shqipërisë, që u bënë promotorët e kësaj seance dhurimi gjaku”, – tha Presidenti Meta.