Presidenti i Republikës zhvillon takim me përfaqësues të organizatave jofitimprurësë në kuadër të Ditës Ndërkombëtare të Demokracisë
Në kuadër të Ditës Ndërkombëtare të Demokracisë, Presidenti i Republikës, Sh.T.Z. Bajram Begaj zhvilloi sot një takim me përfaqësues të organizatave jofitimprurëse që veprojnë në fushën e demokracisë dhe të drejtave të njeriut.
Presidenti Begaj shprehu vlerësimin ndaj përfaqësuesve të organizatave, për kontributin e tyre të deritanishëm në drejtim të zhvillimit të demokracisë në Shqipëri.
Përgjatë takimit, Presidenti dhe përfaqësuesit e organizatave diskutuan mbi sfidat aktuale të demokracisë shqiptare dhe sesi Institucioni i Presidentit mund të bashkëpunojë me ta për ta mbrojtur dhe përforcuar atë.