Presidenti Begaj pret në një ceremoni shtetërore Presidenten e Republikës së Sllovenisë, Nataša Pirc Musar
Presidenti i Republikës së Shqipërisë, Sh. T. Z. Bajram Begaj, priti sot në një ceremoni shtetërore Presidenten e Republikës së Sllovenisë, Sh. S. Znj. Nataša Pirc Musar.
Fillimisht, ata zhvilluan takimin kokë më kokë dhe më pas takimin e zgjeruar mes delegacioneve të dy shteteve. Presidenti i Republikës, në konferencën e përbashkët për shtyp me Presidenten sllovene, bëri të ditura detajet e bisedës.
Ai deklaroi se ka biseduar me homologen sllovene për procesin integrues të Shqipërisë në BE, nismat e ndërmarra për zhvillimin e rajonit të Ballkanit, bashkëpunimin në NATO,si edhe forcimin e lidhjeve ekonomike mes Shqipërisë dhe Sllovenisë.
Duke iu referuar angazhimit për zgjerimin e Bashkimit Evropian në Ballkanin Perëndimor përmes nismave tëforumeve strategjike të Brdo-Brijunit dhe Bledit, Kreu i Shtetit e cilësoi Slloveninë një mike të mirë të Shqipërisë, qëka ndihmuar në proceset integruese. Ai shprehu gatishmërinëpër të konkretizuar planin “Zgjerimin 2030”, një nga produktet e samitit në Bled të Sllovenisë.
“Zgjerimi 2030”, që doli si produkt i Forumit Strategjik të Bledit, është një provë tjetër konkrete e mbështetjes suaj. Ne jemi të gatshëm të bashkëpunojmë fort për ta bërë realitet këtë plan”, – u shpreh Presidenti.
Presidenti Begaj i shprehu Presidentes Musar vlerësimet për rolin konstruktiv të Sllovenisë në rajon, në veçanti kontributin me pjesëmarrjen në trupat e KFOR-it në Kosovë. Ai rikonfimoi qëndrimin se shqiptarët në rajon janë faktor stabilizues dhe me orientim Euroatlantik, e dëshmuar kjo në rolin vendimtar të tyre në anëtarësimin e Maqedonisë së Veriut dhe Malit të Zi në NATO, si dhe në përpjekjet për anëtarësimin e Kosovës në këtë Aleancë.
“Ballkani Perëndimor mbetet ende një rajon vulnerabël nga aktorët që frymëzohen nga e kaluara për të projektuar një të ardhme që është larg Evropës dhe vlerave demokratike.
Agresioni i padrejtë rus ndaj Ukrainës është një sinjal tjetër alarmi se sa të kujdesshëm dhe bashkëpunues duhet të jemi për të zvogëluar mundësitë dhe rreziqet nga këta aktorë”, – theksoi Presidenti Begaj.
Presidenti i Republikës bëri të ditur, gjithashtu, se gjatëbisedës një vend të veçantë i është kushtuar bashkëpunimit ekonomik dhe avancimit të progresit të shënuar gjatë viteve tëfundit. Ai u shpreh se Shqipëria mirëpret investime direktesllovene në turizëm, financë, bujqësi, teknologji informacioni, energji dhe shumë sektorë të tjerë, ndërsa theksoi rëndësinë e hapjes së linjës ajrore direkte mes Lubjanës dhe Tiranës.
“Gjithashtu, duhet të rrisim kontaktet mes qytetarëve tanë. Një linjë ajrore direkte midis Lubjanës dhe Tiranës do të ishte një mundësi e mirë jo vetëm për shtimin e kontakteve direkte, por edhe për rritjen e numrit të turistëve që vizitojnë vendet tona”.
Në përgjigje të interesimit të gazetarëve për çështjen e ardhmërisë së integrimit evropian të Shqipërisë, PresidentiBegaj deklaroi se Bashkimi Evropian duhet ta vlerësojë si objektiv strategjik anëtarësimin e Shqipërisë, ndërsa për Shqipërinë anëtarësimi në BE nuk është më çështje kohe, por arritje e një ëndrre të kahershme.
