Presidenti i Republikës së Shqipërisë

IMG 2076

Lajme

Presidenti Begaj pranon Letër Kredencialet e Ambasadorit të parë të Indisë në Shqipëri, Z. Ravindra Prasad Jaiswal

Presidenti i Republikës së Shqipërisë, Sh. T. Z. Bajram Begaj, priti sot Ambasadorin e parë të Indisë në Shqipëri, Sh. T. Z. Ravindra Prasad Jaiswal.

Presidenti Begaj shprehu kënaqësinë e Tij për hapjen e Ambasadës në Tiranë dhe bindjen se  brenda këtij viti do të kemi edhe rihapjen e ambasadës sonë në New Delhi.

IMG 2077Marrëdhëniet historike midis dy vendeve, pavarësisht distancës së largët, lidhen shpirtërisht nga Shën Tereza.

Kreu i Shtetit shprehu besimin se rivendosja e misioneve diplomatike të ndërsjella do të rrisë shkëmbimet dypalëshe në të gjitha fushat dhe përpjekjet e koordinuara për çështje rajonale e globale.