Presidenti Begaj dhe Zonja e Parë presin një grup drejtuesish të Kishave Ungjillore Shqiptare
Presidenti i Republikës, Sh.T.Z Bajram Begaj dhe Zonja e Parë Armanda Begaj pritën sot në një takim miqësor një grup drejtuesish të Kishave Ungjillore Shqiptare, anëtarë të Vëllazërisë Ungjillore të Shqipërisë.
Presidenti Begaj u njoh gjatë këtij takimi me aktivitetin e Kishave Ungjillore Shqiptare, të cilat kanë thelemuar edhe Ambasadën Ndërkombëtare të Krishterë të Jerusalemit, dega në Shqipëri, themeluar nga ky grup drejtuesish.
Ambasada Ndërkombëtare e Krishterë e Jeruzalemit (ANKJ) u themelua në vitin 1980 dhe ka degë në më shumë se 90 vende të botës dhe përkrahës nga më shumë se 160 vende në mbarë botën. Dega e saj në Shqipëri u çel më 1 Mars 2017.