Presidenti Begaj dekreton dhënien e gradës madhore “Gjeneral Brigade” për Kolonel Hamdi Dine Doda, me detyrë “Komandant i Agjencisë së Sistemeve të Ndërlidhjes dhe Informacionit” në Shtabin e Përgjithshëm të Forcave të Armatosura
REPUBLIKA E SHQIPËRISË
PRESIDENTI
D E K R E T
PËR
DHËNIE GRADE MADHORE
Në mbështetje të nenit 92, shkronja “d”, nenit 93 të Kushtetutës, si dhe të nenit 9, pika 3, shkronja “a” të ligjit nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, i ndryshuar”, me propozim të Ministrit të Mbrojtjes, datë 31.12.2024,
D E K R E T O J:
Neni 1
Kolonel Hamdi Dine Doda, me detyrë “Komandant i Agjencisë së Sistemeve të Ndërlidhjes dhe Informacionit” në Shtabin e Përgjithshëm të Forcave të Armatosura, i jepet grada madhore “Gjeneral Brigade”.
Neni 2
Ky dekret hyn në fuqi menjëherë.
Dekret nr. 87
Tiranë, më 28.2.2025
PRESIDENT I REPUBLIKËS
BAJRAM BEGAJ