President Begaj receives the credential letters of the Ambassador of the Republic of Kazakhstan, H.E.Mr. Yerkebulan Sapiyev

Presidenti i Republikës, Sh. T. Z. Bajram Begaj, priti sot ambasadorin e Republikës së Kazakistanit, Sh. T. Z. Yerkebulan Sapiyev, me rastin e paraqitjes së Letrave Kredenciale. Në takimin me ambasadorin e Kazakistanit, Presidenti Begaj theksoi rëndësinë që i duhet kushtuar zhvillimit të mëtejshëm të marrëdhënieve ekonomike, si faktor i rëndësishëm në marrëdhëniet dypalëshe. "Dy shtetet tona," theksoi më tej Presidenti Begaj, "kanë shumë hapësira ekonomike të pashfrytëzuara dhe që në realitet përbëjnë një kuadër të rëndësishëm bashkepunimi."Prezenca e ndërtuesve shqiptarë në Kazakistan në një numër të konsiderueshëm e forcon nevojën për rritje të mëtejshme të këtij bashkëpunimi. Linjat direkte të fluturimit do të luajnë një rol të rëndësishëm në fushën e turizmit ku Shqipëria ka një pozicion dhe klimë të favorshme për turistët kazakistanas.Shqipëria si vend anëtar jo i përhershëm i Këshillit të Sigurimit po jep një kontribut të madh në arenën ndërkombetare dhe vlerëson bashkëpunimin në kuadër të OKB, OSBE dhe organizatave të tjera ku Shqipëria dhe Kazakistani janë anëtare.