Njoftim Publik Mbi Organizimin E Ceremonisë Së Betimit Të Zonjës Holta Zaçaj Në Detyrën E Gjyqtarit Të Gjykatës Kushtetuese

Njoftim publik mbi organizimin e ceremonisë së betimit të zonjës Holta Zaçaj në detyrën e Gjyqtarit të Gjykatës Kushtetuese

MBI ORGANIZIMIN E CEREMONISË SË BETIMIT TË ZONJËS HOLTA ZAÇAJ NË DETYRËN E GJYQTARIT TË GJYKATËS KUSHTETUESE

Presidenti i Republikës, Sh.T.Z. Bajram Begaj, në mbështetje të nenit 129, të Kushtetutës dhe nenit 8, të ligjit nr. 8577/2000, “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, vendosi:

Zonja Holta Zaçaj, e zgjedhur anëtare e Gjykatës Kushtetuese, me Vendimin nr. 2, datë 16.1.2023, të Mbledhjes së Posaçme të Gjyqtarëve të Gjykatës së Lartë, të thirret për betim përpara Presidentit të Republikës, ditën e mërkurë, më datë 25.1.2023, ora 11.30.

Ceremonia e betimit do të zhvillohet në Institucionin e Presidentit të Republikës, salla “Skënderbej”, me adresë Bulevardi “Dëshmorët e Kombit”, nr. 1, Tiranë.