Arqipeshkv Imzot Arjan Dodaj takohet me Presidentin e Republikës, Sh.T.Z. Bajram Begaj
“Ndihemi krenar që sot një nga Kryedioqezat më të mëdha katolike të vendit drejtohet nga një prelat i lartë me origjinë shqiptare”, nënvizoi Presidenti i Republikës, Sh.T.Z. Bajram Begaj, në takimin me Imzot Arjan Dodaj, Arqipeshkv i Kryedioqezës së Tiranë-Durrësit, të Kishës Katolike të Shqipërisë.
Duke iu referuar rikthimit të vlerave në tre dekadat e fundit të drejtuesve të lartë me origjinë shqiptare të Kishës Katolike, por edhe të institucioneve të besimeve të tjera fetare zyrtare, Presidenti Begaj vlerësoi veçanërisht rolin dhe aktivitetin personal të Imzot Dodaj në një nga dioqezat më të mëdha për komunitetin katolik shqiptar.
Presidenti Begaj vlerësoi rolin dhe kontributin e Kishës Katolike shqiptare për rimëkëmbjen morale dhe shpirtërore të komunitetit katolik shqiptar, por edhe për ndihmën e vyer për familjet e individët në nevojë e të margjinalizuar, pa dallime e në respekt të plotë me traditën e harmonisë dhe të bashkëjetesës ndërfetare në Shqipëri.
Kreu i Shtetit u njoh gjithashtu nga Imzot Dodaj me aktivitetin fetar e social të Kryedioqezës Tiranë-Durrës, si dhe ndihmën konkrete që kjo dioqezë për komunitetet dhe individët në nevojë.