Në ditën e dytë të vizitës së tij zyrtare në Izrael, Presidenti i Republikës Bujar Nishani u prit në një takim edhe nga Kryetari i Komitetit për Politikë të Jashtme dhe Mbrojtje në Knesset (Parlamenti i Izraelit), Zoti Avigdor Lieberman. Pas shkëmbimeve të mirëserardhjes, zoti Lieberman vlerësoi lart nivelin e shkëlqyer të marrëdhënieve dhe miqësinë tradicionale mes Shqipërisë dhe Shtetit të Izraelit duke nënvizuar se Lufta e Dytë Botërore hapi një kapitull të ri në këto marrëdhënie.

Nga ana e tij, Presidenti Nishani u shpreh se dy popujt tanë tashmë e njohin njëri-tjetrin dhe shtoi se forcimi i bashkëpunimit në të gjitha fushat është në interes të zhvillimit dhe forcimit të lidhjeve mes vendeve dhe popujve tona.

Në lidhje me situatën në Lindjen e Mesme dhe më gjerë, Zoti Lieberman e vlerësoi atë si eksplozive dhe plot rreziqe, duke shtuar se megjithatë Shteti i Izraelit po përpiqet të mos bjerë pre e provokimeve. Në lidhje me zhvillimet në Lindjen e Mesme, Presidenti Nishani e garantoi bashkëbiseduesin se Shqipëria do të vazhdojë të mbajë të njëjtin qëndrim.

Në përgjigje të interesimit të bashkëbiseduesit, Kreu i Shtetit Bujar Nishani u shpreh se kombi shqiptar përbëhet nga disa besime fetare, të cilat jetojnë në harmoni me njëra-tjetrën dhe se shqiptarët kudo në rajon po mbështesin zhvillimet demokratike në vendet ku ata jetojnë, duke kontribuar në forcimin e bashkëpunimit dhe mirëkuptimit me fqinjët e tyre.

Po sot, Presidenti Nishani mori pjesë ne Seancën Plenare të Hapjes së Konferencës së 5-të Presidenciale “Përballja me të Ardhmen”, e cila organizohet në kujdesin e Presidentit të Shtetit të Izraelit, zoti Shimon Peres dhe zhvillon punimet në Jeruzalem më 19-20 Qershor 2013.

Presidenti i Republikёs sё Shqipёrisё Bujar Nishani, nisi sot turin e aktiviteteve tё tij zyrtare nё Izrael me njё vizitё nё Muzeumin e Yad Vashem, Memorialin e Martirёve dhe Heronjve tё Holokaustit dhe vendosi njё kurorё nё Memorialin e Kujtesёs.

Mё pas, Kreu i Shtetit dhe delegacioni qё e shoqёron vizituan vende tё shenjta dhe me vlerё historike, Qytetin e Vjetёr tё Jerusalemit dhe Murin e Lotёve, ku iu rezervua njё pritje e ngrohtë nga Rabini i Murit Perёndimor dhe Vendeve tё Shenjta, Shmuel Rabinowitz, me tё cilin zhvilloi njё bisedё miqёsore.

Gjatё pasdites, Presidenti Nishani, nё prani edhe tё disa anёtarёve tё familjeve izraelite, tё shpёtuara nga shqiptarёt, gjatё periudhёs sё Holokaustit, dha njё intervistё pёr Programin televiziv `Second Look`. Gjatё takimit me familjet e mёsipёrme, nё vijim tё intervistёs, Presidenti Nishani u shpreh se akti shqiptar pёr mbrojtjen e Hebrenjve gjatё periudhёs sё Holokaustit pёrbёn njё qёndrim tё vetёdijshёm qё mbёshtetet tek dashuria dhe respekti pёr njeriun, pavarёsisё fesё dhe racёs dhe kodi moral i fjalёs sё dhёnё e sakrifikimit pёr mikun – Besa.

Pёrfaqёsuesit e familjeve izraelite nё takim, theksuan me nota tё larta emocioni se mirёnjohja e tyre dhe e popullit pёr shqiptarёt do tё trashёgohen brez pas brezi nё familjet e tyre dhe brezat e ardhshёm.
Nё pёrgjigje tё interesimit pёr zhvillimet nё Shqipёri, Kreu i Shtetit informoi bashkёbiseduesit pёr zhvillimet ekonomike dhe politike si dhe perspektivёn evropiane tё Shqipёrisё.

Dita e parё e vizitёs zyrtare tё Presidentit Nishani nё Izrael u mbyll me pjesёmarrjen nё Ceremoninё e organizuar me rastin e 90-Vjetorit tё lindjes sё Presidentit tё Shtetit tё Izraelit Shimon Peres.

Presidenti Nishani ndodhet pёr njё vizitё zyrtare nё Izrael, me ftesё tё Presidentit Izraelit Peres pёr tё marrё pjesё nё Konferencёn e 5-tё Presidenciale `Pёrballja me tё Nesёrmen`. Gjatё qёndrimit nё Izrael, do tё zhvillojё takime me Presidentin e Shtetit tё Izraelit Shimon Peres, Kryeministrin Benjamin Netanyahu dhe personalitete tё tjera politike dhe shoqёrisё civile.

Presidenti i Republikës, Bujar Nishani i akordoi sot ish-Sekretarit të Mbrojtjes të Shteteve të Bashkuara të Amerikës, Donald Rumsfeld Dekoratën e lartë të Flamurit Kombëtar, me motivacionin: “Në shenjë mirënjohjeje dhe vlerësimi, për kontributin e jashtëzakonshëm, si dhe për mbështetjen e fuqishme që Ai dhe Shtetet e Bashkuara të Amerikës kanë dhënë për reformimin, fuqizimin dhe modernizimin e Ushtrisë Shqiptare dhe procesin e anëtarësimit të Shqipërisë në NATO”.

Në fillim të fjalës së Tij, Presidenti Nishani shprehu mirënjohjen e thellë ndaj Shteteve të Bashkuara të Amerikës dhe theksoi se mirënjohja për këtë vend është pazgjidhshmërisht e lidhur dhe me personalitetet e mëdha të Shteteve të Bashkuara, me bijtë që lindi dhe rriti ky vend dhe në këtë kuadër e cilësoi ish-Sekretarin Rumsfeld një mik të madh të shqiptarëve.

Gjatë fjalës së tij përshëndetëse, Kreu i Shtetit u shpreh se mbështetja e madhe që zoti Rumsfeld i dha Shqipërisë për t’u anëtarësuar në NATO, është tashmë pjesë e mirënjohjes dhe e kujtesës historike të shqiptarëve. “Shtetet e Bashkuara të Amerikës kanë qenë pranë Shqipërisë dhe shqiptarëve që nga çastet e para të krijimit të shtetit shqiptar deri në vijimin  përpjekjeve të shqiptarëve për ndryshimet demokratike për konsolidimin e demokracisë, përpjekjeve të saj për reforma, anëtarësimit në NATO, çlirimit dhe Pavarësisë së Kosovës dhe në vijim të rrugë e konsolidimit të saj e të Shqipërisë”, nënvizoi Presidenti Nishani.

Duke përcjellë përgëzimet e gjithë kombit amerikan për atë që Shqipëria ka bërë dhe arritur në këto vite, ish-Sekretari i Mbrojtjes, Donald Rumsfeld i shprehu Presidentit Nishani falenderimet për këtë nderim të madh dhe shtoi se  nuk do t’i rezistonte tundimit për ta vënë këtë medalje, gjatë gjithë ditës dhe për ta patur gjithmonë në mendjen dhe zemrën e tij. Ish-sekretari Rumsfeld nënvizoi gjithashtu se vlerat që Shqipëria i ka sjellë NATO-s janë të jashtëzakonshme, sepse kanë ndihmuar të gjithë anëtarët e saj, vlera që Shtetet e Bashkuara i njohin dhe i vlerësojnë.

Përpara ceremonisë së dekorimit, Presidenti i Republikës Bujar Nishani e priti në një takim kortezie ish-Sekretarin amerikan të Mbrojtjes Donald Rumsfeld.

Presidenti Nishani shfrytëzoi rastin për të përsëritur edhe njëherë ndjenjat e mirënjohjes së tij dhe të popullit shqiptar për atë çfarë Shtetet e Bashkuara të Amerikës dhe burra të mëdhenj të kombit amerikan kanë bërë për Shqipërinë dhe shqiptarët që nga krijimi i shtetit shqiptar deri në pavarësimin e Kosovës.

“Figura e juaj zoti Rumsfeld”, – nënvizoi Kreu i Shtetit, – “është e lidhur ngushtë me mbështetjen që Ju dhe Shtetet e Bashkuara të Amerikës i keni dhënë reformimit, fuqizimit dhe modernizimit të Ushtrisë Shqiptare dhe anëtarësimit të Shqipërisë në NATO”.

Pasi e garantoi bashkëbiseduesin se Shqipëria do të vazhdojë të luajë rolin e saj moderator plotësisht e përgjegjshme për kontributin për paqen, stabilitetin dhe bashkëpunimin në rajon, Presidenti Nishani gjeti rastin të vlerësojë lart vizionin e gjithë mbështetësve të Pavarësisë së Kosovës, me në krye Shtetet e Bashkuara të Amerikës, duke u shprehur se vetë Kosova po provon se sa i drejtë ishte qëndrimi i tyre.

Nga ana e tij, ish-Sekretari i Mbrojtjes Rumsfeld, pasi vlerësoi lart pikëpamjet e Presidentit Nishani u shpreh se Shqipëria dhe vendet e tjera të ish-bllokut komunist kanë sjellë freski dhe optimizëm në NATO dhe se veçanërisht Shqipëria me rolin e saj në rajon dhe në Aleancën e Atlantikut të Veriut është një partner i besueshëm me një kontribut të madh.

Presidenti i Republikës, Bujar Nishani i akordoi zotit Donald Rumsfeld Dekoratën  e “Flamurit Kombëtar” me motivacionin: “Në shenjë mirënjohjeje dhe vlerësimi, për kontributin e jashtëzakonshëm, si dhe për mbështetjen e fuqishme që Ai dhe Shtetet e Bashkuara të Amerikës kanë dhënë për reformimin, fuqizimin dhe modernizimin e Ushtrisë Shqiptare dhe procesin e anëtarësimit të Shqipërisë në NATO”.                                                                                   

Në një ceremoni të veçantë, Presidenti i Republikës Bujar Nishani i dorëzoi sot Flamurin Kombëtar Ekipit Shqiptar që do të përfaqësojë vendin tonë në Lojërat e 17-ta Mesdhetare “Mersin 2013”, që do të zhvillohen në 20-30 qershor në Turqi.

Presidenti Nishani duke u uruar sportistëve suksese dhe medalje në Lojërat Mesdhetare theksoi se ky aktivitet është një moment shumë i rëndësishëm për përfaqësimin dinjitoz të Shqipërisë.

Kreu i Shtetit nënvizoi se sportistët shqiptarë duhet të jenë krenarë për trashëgiminë e Shqipërisë në aspektin e kulturës dhe të sportit, por edhe për përgatitjen e tyre sportive në përfaqësimin sa më dinjitoz të Shqipërisë në këtë kompeticion ndërkombëtar.

“Jam i sigurt që do ta përfaqësoni me dinjitet emrin e Shqipërisë, të sportit shqiptar, flamurin kombëtar”, – u shpreh Presidenti Nishani në fund të përshëndetjes së tij duke i uruar sportistët e Ekipit Shqiptar të kthehen në Shqipëri me sa më shumë medalje e vende nderi në Lojërat Mesdhetare “Mersin 2013”.

Flamurin Kombëtar e mori në dorëzim sportistja Anxhela Kashari, e cila në emër të delegacionit shqiptar në Lojërat e 17-ta Mesdhetare premtoi se do të japin maksimumin për të përfaqësuar sa më denjësisht kombin.

Në ceremoninë e dorëzimit të Flamurit Kombëtar morën pjesë edhe drejtues të Komitetit Olimpik Kombëtar Shqiptar, përfaqësues të Ministrisë së TKRS-së, drejtues të federatave sportive në vend.

Në Lojërat Mesdhetare “Mersin 2013” Shqipëria do të përfaqësohet me 75 sportistë të ndarë në 14 disiplina sportive.

Presidenti i Republikës, Bujar Nishani mori pjesë në samitin e 18-të të Presidentëve të Evropës Qendrore mbajtur në Bratislavë të Sllovakisë nga 12-13 qershor, ku morën pjesë 20 krerë shtetesh.

Presidenti Nishani në fjalën e Tij e vuri theksin te stabiliteti ekonomik si një dimension shumë i rëndësishëm dhe përcaktues, për sigurinë dhe paqen në rajon.

Në këtë kontekst, Presidenti Nishani u shpreh se vendet e rajonit mund të amortizojnë pasojat e krizës globale dhe të shkurtojnë kohën e saj, duke forcuar bashkëpunimin rajonal, ndërsa shprehu bindjen se projekte madhore rajonale si gazsjellësi “Trans Adriatic Pipeline” i njohur si (TAP) si edhe “Korridori i 8 –të”, Projekti Jonian, Terminali LNG, janë vepra, të cilat do të rrisnin frymëmarrjen ekonomike për të gjitha rajonet e tregjet nëpërmjet të cilave kalojnë.

Kreu i Shtetit nënvizoi se Ballkani, i etiketuar dikur si “fuçi baruti” mund të konsiderohet sot si një “rajon i shanseve të arta”, duke vlerësuar se marrëveshja për Normalizimin e Marrëdhënieve mes Kosovës dhe Serbisë, nënshkruar më 19 Prill 2013 në Bruksel mes Kryeministrave Thaçi dhe Daçic shënon një kthesë domethënëse drejt destinacionit të përbashkët, që është Bashkimi Evropian.

Duke garantuar se Shqipëria do të mbetet një promotore e forcimit të marrëdhënieve të fqinjësisë së mirë, dialogut e bashkëpunimit rajonal, Presidenti Nishani theksoi se është e domosdoshme që vendet e Ballkanit të shkëputen nga hijet dhe atavizmat e së shkuarës, duke shpenzuar energji për të gjetur mënyrat më efektive të bashkëpunimit dhe duke hequr dorë nga sforcimet për të gjetur argumente përjashtimi.

Presidenti i Republikës Bujar Nishani dhe Zonja e Parë Odeta Nishani të mërkurën në mbrëmje morën pjesë edhe në ceremoninë e hapjes së samitit të 18-të të krerëve të Europës Qendrore Bratislavë 2013, e cila u mbajt në ndërtesën e filarmonisë “Reduta” të Bratislavës. Pas fjalës së hapjes së Presidentit sllovak Gasparoviç dhe fjalës përshëndetëse të Presidentit të Këshillit Europian Herman Van Rompuy ceremonia vazhdoi me një koncert nga orkestra e Filarmonisë sllovake dhe u mbyll me darkën e dhënë nga presidenti sllovak për nder të të ftuarve.

Në ditën e parë të qëndrimit të tij në Bratislavë, Presidenti i Republikës, Bujar Nishani zhvilloi një takim me përfaqësues të shoqatës së shqiptarëve të Sllovakisë “Iliria”.

Gjatë një bisede të hapur dhe miqësore, Presidenti Nishani i informoi bashkëbiseduesit për zhvillimet në Shqipëri, marrëdhëniet shumë të mira ndërmjet Shqipërisë dhe Sllovakisë dhe zhvillimet në rajon.

Një vëmendje të veçantë i kushtoi rrjetit të “Miqve të Shqipërisë”, një nismë e ndërmarrë nga Presidenti i Republikës për të krijuar një komunikim institucional me diasporën shqiptare me qëllim njohjen e problemeve dhe marrjen e opinioneve të tyre në funksion të një bashkëpunimi të ngushtë për promovimin e imazhit të Shqipërisë në botë dhe mundësinë e investimit të shqiptarëve të diasporës në Shqipëri.

Nga ana e tyre, përfaqësuesit e shoqatës “Iliria” e vlerësuan takimin si një mesazh të qartë të përkushtimit të Presidentit Nishani për diasporën dhe problemet që lidhen me të dhe shprehën gatishmërinë e tyre për të bashkëpunuar me institucionet e shtetit shqiptar, duke shprehur interes të veçantë për të investuar në Shqipëri.

Takimi vijoi me një shkëmbim të lirshëm mendimesh për çështje që lidhen me funksionimin e institucioneve shqiptare, trashëgiminë kulturore dhe arsimore të shqiptarëve në diasporë, zhvillimet në rajon dhe të ardhmen euro-atlantike të Shqipërisë dhe shtetit të Kosovës.

* * *

Fjala e Presidentit të Republikës, Sh.T.Z. Bujar Nishani, në Samitin e 18-tëtë Presidentëve të Evropës Qendrore

I nderuar President Gašparovič,
Të nderuar Shkëlqesi Presidentë,
Zonja e zotërinj,

Së pari, më lejoni të shpreh kënaqësinë time të veçantë për pjesëmarrjen në këtë aktivitet të rëndësishëm, si dhe të përfitoj nga rasti, për të shprehur mirënjohjen dhe vlerësimin për pritjen e ngrohtë e miqësore të rezervuar nga organizatorët, të cilët i përgëzoj, gjithashtu, edhe për organizimin e shkëlqyer të këtij Samiti.

Jemi mbledhur për të shkëmbyer mendime për një situatë krize dhe për të gjetur rrugët e daljes prej saj. Po bëhet fare i qartë fakti se stabiliteti ekonomik është një dimension shumë i rëndësishëm, madje përcaktues, për sigurinë dhe stabilitetin në vendet tona. Jetojmë në një kohë kur siguria dhe stabiliteti për secilin nga ne janë të shëndetshme kur garantohen në shtëpi, fqinjësi, rajon dhe në botë. Askush nuk është më i imunizuar nga influenca, pozitive ose negative, e një ngjarje që ndodh diku në një cep të botës, që dikur quhej i largët.

Kriza ekonomiko-financiare vazhdon të ushtrojë efektet e saj në nivele dhe forma të ndryshme, mbi ekonominë kombëtare, rajonale dhe globale. Me pasojat e rënda në tregjet financiare, kjo krizë rrezikoi të çojë vende të veçanta drejt falimentimit. Gjithashtu, tregje apo vende të vogla po shkaktojnë tronditje të fuqishme ekonomiko-financiare. Besoj se biem dakord edhe për një fakt: Në këtë krizë kemi hyrë dhe prej saj do të dalim të gjithë bashkë. Ne mund të amortizojmë pasojat dhe të shkurtojmë kohën e kësaj krize, duke bashkëpunuar.

Plotësisht të vetëdijshëm se përballë çështjeve globale nuk ka alternativë tjetër përveç zgjidhjeve të përbashkëta, forcimi i vazhdueshëm i bashkëpunimit rajonal dhe më gjerë mbeten të detyrueshëm.

Zonja dhe zotërinj,

Ballkani është një rajon i pasur me burime natyrore, i larmishëm nga pikëpamja kulturore, tërheqës nga pikëpamja historike dhe magjepsës me spektaklin natyror. Ai përbën, kësisoj, një destinacion potencial investimesh dhe turizmi.

Rajoni ynë ka fituar një peshë jo vetëm gjeopolitike, por edhe gjeoekonomike. Një nyje lidhëse e tregjeve nga veriu në jug dhe nga lindja në perëndim, Ballkani në tërësi po bashkëpunon ekonomikisht me vende dhe rajone fqinje si: Italia, Greqia, Turqia, me anëtarët e rinj të Bashkimit Evropian, por edhe me qendrat aktuale të zhvillimit ekonomik botëror. Ky bashkëpunim nxit ritmin e zhvillimit dhe stimujt për integrimin e tij evropian.
Rajoni i Ballkanit, dikur i etiketuar “fuçi baruti” mund të konsiderohet sot “rajon i shanseve të arta”. Materializimi praktik ka kusht të nevojshëm dhe të domosdoshëm paqen dhe stabilitetin, të cilat po i konsolidojmë duke lënë pas të shkuarën dhe duke hedhur vështrimin tek e ardhmja.

Marrëveshja për Normalizimin e Marrëdhënieve mes Kosovës dhe Serbisë, datë 19 prill 2013, garantuar me Marrëveshjen e Parimeve të Përgjithshme për Zbatimin e Planit të dakordësuar mes Kosovës dhe Serbisë, datë 22 maj 2013, të nënshkruara mes Kryeministrave Thaçi dhe Daçic në Bruksel, me ndërmjetësimin e Bashkimit Evropian, shënojnë një kthesë domethënëse të udhëtimi tonë drejt së ardhmes dhe destinacionit të përbashkët, Bashkimin Evropian. Megjithatë, duhet t`i ruhemi hijeve dhe atavizmave të së shkuarës, duke shpenzuar energji për të gjetur mënyrat më efektive të bashkëpunimit dhe duke hequr dorë nga sforcimet për të gjetur argumente përjashtimi. Në Bashkimin Evropian do të shkojmë të gjithë bashkë, gjithashtu.

Shqipëria mbetet e vetëdijshme për rolin e saj shumë të ndjeshëm për paqen dhe sigurinë në rajonin e Ballkanit dhe më gjerë. Ne do të mbetemi promotorë të forcimit të marrëdhënieve të fqinjësisë së mirë, dialogut e bashkëpunimit rajonal dhe integrimit të vendeve tona, në Bashkimin Evropian.

Të nderuar të pranishëm,

Bashkëpunimi rajonal konkretizohet nëpërmjet projekteve për krijimin e një infrastrukture të përbashkët moderne rajonale, heqjes së gjithë barrierave jofizike të lëvizjes së njerëzve, mallrave e kapitaleve, rritjes së shkëmbimeve, njohjes më mirë të njëri-tjetrit.

Projekte madhore rajonale dhe më gjerë për ndërtimin e tubacioneve të gazit dhe të naftës janë në qendër të vëmendjes sonë. “Trans Adriatic Pipeline” (Projekti TAP) është rruga më e shkurtër e Korridorit Jugor të Gazit, që lidh Evropën me burimet e reja të gazit në rajonet e Kaspikut dhe Lindjes së Mesme.

Projekti i mësipërm, si edhe “Korridori 8 –të”, Projekti Jonian, Terminali LNG, janë vepra, të cilat do të përbënin kapilarë ekonomikë për të gjitha vendet tona dhe do të rrisnin frymëmarrjen ekonomike për të gjitha rajonet e tregjet që lidhin dhe nëpërmjet të cilave kalojnë.

Ne mbyllje, dëshiroj t`i uroj edhe një herë punime të mbara këtij Samiti.

Ju falemnderit!